Maannakkut isertarfikkut isissuutit teqeqqup talerpiata tungaaniittoq toorlugu, atuisutullu nutaatut profililiorlutit.
Emailimik allagarsiumaarputit, kode isissutissavit allanngortinnissaanut atungassat.
Emaili nassaarisinnanngilarput
Inniminniinernut normut arfinilinnik ilisarnaateqarpoq, kisitsisinik naqinnerinnillu imaqarsinnaaluni
Inummut ataatsimut 5.095 koruuniniit
Eqqissisimaarnissaq, imminut iluarusutsinneq pinngortitamilu alianaalluinnartumi misigisaqarnissaq pisariaqartippigit? Taamaassappat Ilimanaq piukkunnarnerpaavoq.
Angalanermi tamatumani Ilulissanut timmisartuutissavatsigit tassaanngaanniillu angallammik – Kangiata Sulluani iluliarsuit nunarsuarmi tusaamasat saneqqullugit nunaqarfimmut Ilimanamukaallutit. Tassani illuaqqami/bungalowimi inuulluataarnartumi, Qeqertarsuup tunuanut arferillu puillattaartarfiannut toqqaannartumik isikkivilimmi najugaqassaatit.
Nammineq aneerasaartarfinni imigassannik najoqqaagit, Poul Egedip illuani neriniartarfimmi nerigit, nunaqarfimmilu 50-it missaannik inulimmi eqqissineq malugalugu.
Ilimanaq tamakkiisunik misigisassaqarpoq – pinngortitaq, kulturi ilorrisimaarneq- oqimaaqatigiissaaqqissaakkat.
Angalaneq
Ullut pingasut unnuinerillu marluk imal. ullut marluk ataasiarlunilu unnuineq
Angalanerup id-ia
3010 Ilimanaq Getaway
Timmisartorneq
Nuummiit Ilulissanut uterlugulu. Nassatat 20 kg tigumiallu 8 kg Â
Unnuineq
Marloriarluni ataasiarluniluunniit illuaraqarfimmi Ilimanaq Lodge-imi unnuineq, angallamik siumut utimullu angalaneq, ullakkorsiorneq tikilluaqqussummillu imigassinneqarneq ilanngullugit.
Akia
Ullut pingasut/unnuallu marluk
Ini marluuttagaq – Illuaraq/bungalowi: Inummut ataatsimut 5.995 koruuniniit
Ini kisermaattagaq – Illuaraq/bungalowi: Inummut ataatsimut 6.795 koruuniniit
Ullut marluk /unnuarlu ataseq
Ini marluuttagaq – Illuaraq/bungalowi: Inummut ataatsimut 5.095 koruuniniit
Ini kisermaattagaq – Illuaraq/bungalowi: Inummut ataatsimut 5.395 koruuniniit
Neriniartarfik
Neriniartarfimmi Egedemi nerineq – Poul Egede-ip illutoqaani nerininni, oqaluttuarisaanermut qanillisutut misinnarnera malugiuk.
Malugiuk: Greenland Travel A/S angalanermut aaqqissuisuummat, Air Greenlandilu taamaallaat nittarsaassisutut uani atuuffeqarluni.
Tamanna isumaqarpoq angalanermut tunngassuteqartunik saaffiginninnermi toqqaannartumik Greenland Travel attavigineqassasoq, taakkuummata angalanippit aaqqissuunneqarnera pillugu isumaginnittuusut.
Greenland Travelip angalanissavit inniminninnginnerani tamatigut uppernarsaammik nasseqqaartassavaatit.
Kangiata Sulluani iluliarsuit misigikkit. UNESCO-ip nunatsinni eriagisassatut kingornussat nalunaarsorsimaffianniittoq. Illuaraq /bungalowi immikkut pitsaassusilik kusanartumillu ilusiligaq. Eqqissisimaarneq imminullu ilorrisimaartinneq. Avannaani nunaqarfimmi inuuneq malugiuk.
Ilimanaq Lodge – Bungalow De Luxe
Ullut pingasut/unnuillu marluk inummut ataatsimut 200 koruuniniit
Ullut marluk/unnuarlu ataaseq: Inummut ataatsimut 100 koruuniniit
Angalanissamik ataatsimoortumik pisinermi pitsaanerusumut allannguisoqassaaq.
Angalaneq Nuummiit Ilulissanut timmisartornermik aallarnerneqassaaq, tassani ernerlutit issittumiinneq malugissavat. Mittarfimmiit ingerlaannaq immakkut angallammik Ilimanaliartoqassaaq – nunaqarfinnguaq 50-iinnarnik inulik. Kangiata Sullua iluliarsuillu immikkuullarissut avaqqullugit angalaneq nammineq misigisassaavoq immikkut ittoq, iluatitsiguillu aqqutaani arfersiussaatit.
Tikikkuit illuaqqamut/bungalowimut, titartaasartumit ilusilikkamut, Qeqertarsuup tunuanut isikkivigissaaqisumut inissinneqassaatit. Tassani inigisap silatinnguani eqqissinartoq pinngortitarlu misigisassat utaqqipput. Ualikkut angallassisoqarluni nunaqarfimmi angalaarneq, nunaqarfimmi inuunermik paasisaqarfissat, oqaluffik eqqissisitaq iserlugu ajoqersuiartortitaasimasullu Poul Egede-ip sumiiffiullu oqaluttuassartaanik tusarfissat, saniatigut pisiarisinnaavat.
Neriniartarfimmi Egede-mi – Poul Egede-ip 1700-ikkunni illutoqaaniittumi– najukkami nerisassiassanik- soorlu aalisakkanik, tuttup umimmaallu neqaannik, nutaaliornikkut mamasaarlugit nerisassianik nerinermik, unnuk naggaserneqassaaq.
Â
Akianut ilaapput:Â Nuummit Ilulisanut timmisartorneq, Ilulissaniit Ilimanamut angallammik angalaneq, illuaqqami/bungalowimi unnuineq, tikilluaqussummik imigassinneqarneq
Â
Saniatigut pisiarineqarsinnaasut:Â Nunaqarfimmi angalaarneq, neriniartarfimmi Egedemi unnukkut nerineq.
Ullaakkorsioreernerup kingorna angallassisoqarlutit asimi qeriuaannartup narsarsuani angalaaqataasinnaavutit. Angalaarneq ajornaranilu akunnattumik ajornassuseqarpoq, nunami pukitsunik naasulimmi angalaarneq, qaqqat isikiviillu isorartuut, Qeqertarsuup tunuani iluliarsuit isikkivigalugit ingerlassaatit. Aqqutaani iluatitsillutit terianniat imal. umimmaat nammattoorsinnaassavatit.
Ullup sinnerata qanoq atornissaa nammineq aalajangerneqassaaq. Aneerasaartarfinni nipaassuseq iluarusuutigiuk, sineriak sinerlugu pisuttuarit imal. neriniartarfimmi Egede-mi ullup qeqqasiorlutit imminut iluarusutsigit. Annertunerusumik misigisassarsiorusukkuit– ulloq naallugu sermersuarmut angalaarneq Glacier Adventure ilanngullugu pisiarisinnaavat. Angalaarneq taanna Ilimanamiit angallammik kangerlummut ungasiartumiittumut, nunakkut inunnit tikinneqajuitsukkut biilinit nunakkoorutinit ingerlateqqinneqarfissannut angalaarnermik aallartissaaq. Aqqutaani Tasiusaq; kangerluit imminnut ataqatigiit misigissavatit sermillu iigartartut alutornarluinnartut marluk sermersuarlu nuitinnagit, ilulissat qaqqallu qanillugit avaqqutissallugit. Tassani nunamut niussaatit, ullup qeqqasiutissatit sermimut isikkivilimmi ilorrisimaarutigalugit sermersuarmullu qaqiartorlutit.
Meeqqat aqqaneq aappeereersimassapput. Qitiluttunut angalaarneq innersuussutaanngilaq.
Â
Saniatigut pisiarineqarsinnaasut:Â Qeriuaannartup narsarsuani angalaarneq/tundrahike, sermimut iigartartumut misigisassarsiorneq/Glacier Adventure, neriniartarfimmi Egedemi ullup qeqqasiorneq unnukkullu nerineq.
Ulloq ullakkorsiornermik naggataarutaasumillu Qeqertarsuup Tunuanut isikkiviup ilorrisimaarutiginissaanik aallarnerneqassaaq. Tamatuma kingorna angallamut ilaalluni Ilulissiartoqassaaq. Tassannga nipaassutsimit, pinngortitamit nunatsinnilu nunaqarfimmi inuunermit eqqaamasanik ulikkaarluni Nuummut timmisartumik angalasoqassalluni.
Â
Akianut ilaapput:Â Ilulissaniit Ilimanamut angallammik angalaneq, Ilulissaniit Nuummut timmisartorneq
Sivikinnerusumik; ullut marluk unnuarlu ataaseq illuaraqarfimmut Ilimanaq Lodge-imut angalanissaq toqqarsimagukku, ullut aappaannut siunnersuut ullut pingajuanni najoqqutassatut siunnersuummit taarserneqassaaq
Ullormut najoqqutassaq siunnersuutaavoq silallu qanoq inneranut najukkamilu pissutsinut naleqqussarneqarsinnaalluni. Sammisassat allat tunngaviusumik angalanissamut ataatsimoortumut ilaanatik, immikkut pisiassaapput.
Anigit