Danmarkimut akikitsumik angalagit – Nunatsinniit Københavnimut naleqqussaruminartumik feeriarneq

Inummut ataatsimut 5.995,-iniit

Apeqquteqaammik nassiussigit
Copenhagen Amalienborg At Dusk

Angalaneq

Angalanermut ilaapput
Nunatsinniit Københavnimut uterlugulu timmisartorneq
Nassatat 20 kg timmisartumilu nammineq nassatat 8 kg ilanngullugit.
Tikinnermi Comfort Hotel Copenhagen Airportimi unnuineq

Saniatigut pisiarineqarsinnaasut
Københavnimi akunnittarfimmi unnuisarnissat
Biilimik mittarfimmi aaneqarsinnaasumik attartorneq

Inummut ataatsimut akit – Ini marluuttagaq

  • Nuuk – København: 5.995-koruuniniit
  • Manitsoq-, Kangerlussuaq-, Sisimiut- Paamiut - København: 6.995 koruuniniit
  • Ilulissat-, Aasiaat- Narsarsuaq - København: 7.895 koruuniniit
  • Uummannaq-, Qaarsut-, Upernavik- Kulusuk - København: 9.595 koruuniniit
  • Qaanaaq - København: 11.595 koruuniniit
  • Nunatsinni Illoqarfinnit nunaqarfinniillu allaniit: Akia apeqqutigineqassaaq

Imaaliussaatit

’Apeqquteqaammik nassiussigit’ toqqaruk

E-mailimi aallarfissatut kissaatit (siumut/utimullu), suminngaanniit aallarniarneq angalasussanullu tamanut attavissat pillugit paasissutissat immersukkit.

Angalanissat inaarutaasumik inniminnerneqartinnagu uppernarsarniarlugu, Greenland Travelimit tamatigut attavigineqartassaatit. 

Apeqquteqaammik nassiussigit
Adobestock 286396195

Danmarkimut akikitsumik angalagit – Nunatsinniit Københavnimut naleqqussaruminartumik feeriarneq

Ilaquttanut tikeraassavit, Københavnimi feeriassavit imal. ulluinnaat qimalaarlugit ilorrisimaarusuppit? Københavnimut timmisartumik akikitsumik angalanermi matumani sap. ak. naanera sivitsugaq naleqqussaruminartorlu ilorrisimaarnartumik aallartissavat. 
Angalanermut ataatsimoortumut ilaapput Nuummiit Københavnimut/uterlugulu timmisartorneq Comfort Hotel Copenhagen Airport-imilu unnuineq – taamaalillutit toqqissinartumut tikissaatit aallaqqaataaniillu pitsaasumik aallaaveqassallutit. 

Angalaneq ataatsimoortoq- ilinnut nammineersinnaanermik, naleqqussaasinnaanermik akigissaartitsisoqarnissaanillu kissateqartumut- tulluarpoq. Sap. ak. naanerani ullut sisamat unnuillu pingasut angalanissatut ilusiligaavoq– ilinnut sap. ak. naallugu sulinngiffeqanngikkaluarluni Københavnimi misigisassarsiorusuttumut- tulluartoq. 

Apeqquteqaammik nassiussigit

Piumasaqaatit

  • Neqeroorut taamaallaat nammineq akilerlugu feeriarlutik angalasunut atuuppoq.
  • Angalaneq siumut utimullu angalanerussaaq, ullunillu sisamani unnunnillu pingasunik sivisunerusinnaanani.
  • Angalaneq sap. ak. naaneranik tamakkiisumik ilaqassaaq (ass. sisamanngornermiit sapaammut imal. tallimanngornermiit ataasinngornermut)
  • Bilitsit utertinneqarsinnaanngillat allanngortinneqarsinnaanatillu. 
  • Akigititani angalanissat qanoq piumaneqariginerat inissallu apeqqutaassapput. Akikinnerpaanissaa qulakkeerniarlugu sioqqutsilluni inniminniisoqarnissaa innersuussutigaarput. 
  • Neqeroorut taamaallat Air Greenlandip nammineq angallaviini atuuppoq. 
  • Bilitsi neqeroorutinut allanut akulerunneqarsinnaanngilaq.
  • Ilaatigut nunatta iluani Nuummut Nuummiillu angalanerni unnuisoqartariaqarsinnaavoq. Unnuinerit taakku angalanermut ataatsimoortumut ilaanngillat angalanerullu sivisussusissaatut killiliussamut ilaanatik. Nunatta iluani unnuinissat immikkut pisiarineqarsinnaapput. 
Adobestock 506725153
Sunik misigisaqarsinnaavit?
  • Tivolimi, uumasuusivissuarmi Den Blå Planetimilu ilaqutariittut ilorrisimaarneq
  • Nyhavn sinerlugu pisuttuarneq, Strøgimi pisiniarfissiorneq Christianshavnimilu kulturi
  • Ilaquttanut ikinngutinullu tikeraarneq
  • Ass. Roskilde-mut imal. Helsingørimut misigisassarsiorluni angalaarneq imal. Sverigimi Malmømut ikaatsiarneq  

Ullormut najoqqutassat – sap. ak. naanera sivitsorlugu Københavnimiinneq (ullut sisamat/unnuillu pingasut)

Ulloq siulleq– Nunatsinniit aallarneq

Periarfissaq apeqqutaalluni, Nuummiit Københavnimut angalanissat sisamanngornermi imal. tallimanngornermi aallartissaaq. Københavnimut toqqaannartumik timmisartussaatit akunnittarfimmilu Comfort Hotel Copenhagen Airport-imi angalanerup akianut ilaasumi inissillutit. Akunnittarfik aallariartortarfiup/tikittarfiup eqqannguaniippoq Danmarkimilu unnueqqaarninni aallaavissaqqissuulluni. 

 

Akianut ilaapput: Nuummiit Københavnimut timmisartorneq, nassatat, akunnittarfimmi unnuineq
Saniatigut pisiarineqarsinnaasoq: Biilimik attartorneq 

Sunset Over The City Copenhagen ©Mathias Brandt
Ullut tulliuttut –Danmarkimi misigisassat

Sap. ak. naanera tamakkerlugu Københavnimi eqqaanilu ilorrisimaarsinnaavutit. 
Ilaquttannut tikeraarit, kaffisorniarfiliarit, illoqarfimmi pisiniarfilerigit, imal. biilimik attartorlutit – ass. Roskilde-mut, Helsingørimut imal. Sverigimut ikaatsiarlutit misigisassarsiorit. Ullut taakku qanoq atorniarnerat illit nammineq aalajangissavat. 

 

Saniatigut pisiarineqarsinnaasut: Piffissap sinnerani akunnittarfimmi unnuinerit biilimillu attartorneq 

Adobestock 280810108
Ulloq kingulleq – Nunatsinnut uterneq

Aallarfissatut ulloq toqqakkat periarfissarlu apeqqutaallutik sapaammi imal. ataasinngornermi Nuummut utissaatit. 

 

Akianut ilaapput: Københavnimiit Nuummut timmisartorneq, nassatat 

Cargo Nuuk2
Maluginiagassaq

Piffissat ilaanni sisamanngornermiit sapaammut angalasoqarsinnaassanngilaq. Taamaammat Danmarkimi sap. ak. naanera sivitsugaq ilorrisimaarutigisinnaaqqullugu tallimanngornermi aallarneq ataasinngornermilu uterneq aamma neqeroorutigaarput. 
Ilaatigut nunatsinni angalanermi Nuummiit Nuummullu angalanernut atatillugu– ass. timmisartut angalanissaat imminnut naapertuuteqqissaanngippata unnuisoqartariaqarsinnaassaaq. Unnuinerit taamaattut angalanissamut ataatsimoortumut ilaanngillat angalanerullu sivisussusissaatut killiliussamut ilaanatik. Unnuineq saniatigut pisiarineqarsinnaavoq. 

Greenland Travel Logo2 Rgb
Apeqquteqaammik nassiussigit

 Malugiuk: Greenland Travel A/S angalanermut aaqqissuisuummat, Air Greenlandilu taamaallaat nittarsaassisutut uani atuuffeqarluni.
Tamanna isumaqarpoq angalanermut tunngassuteqartunik saaffiginninnermi toqqaannartumik Greenland Travel attavigineqassasoq, taakkuummata angalanippit aaqqissuunneqarnera pillugu isumaginnittuusut.
Greenland Travelip angalanissavit inniminninnginnerani tamatigut uppernarsaammik nasseqqaartassavaatit.

Apeqquteqaammik nassiussigit