Danmarkimut akikitsumik angalagit – Nunatsinniit Billundimut naleqqussaruminartumik feeriarneq

Inummut ataatsimut 4.495,-imiit

Apeqquteqaammik nassiussigit
Jettime Seats Photo Alexander Kurkus Min

Angalaneq

Angalanermut ilaapput 
Nunatsinniit Billundimut siumut utimullu timmisartumik angalaneq
Nassatat 20 kg tigumiallu 8 kg 

Saniatigut pisiarineqarsinnaasut
Biilimik mittarfimmi aaneqarsinnaasumik attartorneq 
Saniatigut 1.500 koruuninik akiliinikkut København aqqusaarlugu angerlamut uterneq.

Inummut ataatsimut akit
Nuuk – Billund: 4.495 koruuniniit 
Manitsoq-, Kangerlussuaq-, Sisimiut- Paamiut - Billund: 5.495 koruuniniit 
Ilulissat-, Aasiaat- Narsarsuaq - Billund: 6.395 koruuniniit 
Uummannaq-, Qaarsut-, Upernavik- Kulusuk - Billund: 8.095 koruuniniit 
Qaanaaq - Billund: 10.095 koruuniniit 
Nunatsinni Illoqarfinnit nunaqarfinniillu allaniit: Akia apeqqutigineqassaaq

Imaaliussaatit
’Apeqquteqaammik nassiussigit’ toqqaruk

E-mailimi aallarfissatut kissaatit (siumut/utimullu), suminngaanniit aallarniarneq angalasussanullu tamanut attavissat pillugit paasissutissat immersukkit. 

Angalanissat inaarutaasumik inniminnerneqartinnagu uppernarsarniarlugu, Greenland Travelimit tamatigut attavigineqartassaatit. 

Apeqquteqaammik nassiussigit
Aarhus

Nunatsinniit Billundimut naleqqussaruminartumik feeriarneq

Jyllandimi qasuersaarfiusunnaasumik misigisassarsiorfiusinnaasumillu feeriarsinnaaneq takorluugaraajuk? Billundimut akikitsumik angalanermi matumani ilaquttannut tikeraarnissamut, misigisassarsiornissamut imal. ulluinnarnit unitsiarluni ilorrisimaarnissamut naleqqussaruminartumik akigissaartumillu periarfissinneqassaatit. 
Danmarkimi sap. ak. naanera sivitsugaq takorloorukku imal. sap. ak. naallugu feeriarnissaq takorloorukku, angalanissamut periarfissat angallaffiuleruttorneranut angallaffiuvallaannginneranullu naapertuuttut neqeroorutigaagut.

Angallaffiuleruttornerani feeria sivikikkaluarluni imartooq misigisassarpassualillu, nunatsinniit tallimanngornermi aallaruit pingasunngornermi uterlutit – ilinnut, sap. ak. naanerani sivitsukkami qasuersaarnissamik misigisassarsiornissamillu kissaateqartumut tulluaqqissaartoq- ilorrisimarutigisinnaavat.

Angallaffiuvallaannginnerani, Billundimut Billundimiillu nalinginnaasumik sap. ak. ataasiaannarluni angalasoqartarnerani, sivisunerulaamik; ullut arfineq pingasut unnuillu arfineq marluk feeriarnissamut – ilinnut ilaquttat tikeraarnissaannut, Jyllandimi misigisassarsiornissamut imal. Danmarki tamakkerlugu angalaarnissamut piffissaqarluarumasumut- periarfissaq tulluartoq. 
Naleqqusaaneq annertunerutikkusuppiuk? Immikkut akiliinikkut København aqqusaarlugu– pisiniarfilerinissamut, kulturimut tunngasunik misigisassarsiornissamut kaffisorniartarfinnilu ilorrisimaarnissamut periarfissatsialak atorlugu- angalanerit naggasersinnaavat.

Neqeroorut pillugu apeqquteqarniarlutit Greenland Travel ugguuna attavigiuk:  

Apeqquteqaammik nassiussigit

Piumasaqaatit

  • Neqeroorut taamaallaat nammineq akilerlugu feeriarlutik angalasunut atuuppoq.
  • Angalaneq siumut utimullu angalanerussaaq, ullunillu arfineq pingasunit unnunnillu arfineq marlunnit sivisunerusinnaanani.
  • Angalaneq sap. ak. naaneranik tamakkiisumik ilaqassaaq (ass. pingasunngornermiit pingasunngornermut imal. tallimanngornermiit pingasunngornermut)
  • Bilitsit utertinneqarsinnaanngillat allanngortinneqarsinnaanatillu.
  • Akigititani angalanissat qanoq piumaneqariginerat inissallu apeqqutaassapput. Akikinnerpaanissaa qulakkeerniarlugu sioqqutsilluni inniminniisoqarnissaa innersuussutigaarput. 
  • Neqeroorut taamaallat Air Greenlandip nammineq angallaviini atuuppoq.
  • Bilitsi neqeroorutinut allanut akulerunneqarsinnaanngilaq.
  • Ilaatigut nunatta iluani Nuummut Nuummiillu angalanerni unnuisoqartariaqarsinnaavoq. Unnuinerit taakku angalanermut ataatsimoortumut ilaanngillat angalanerullu sivisussusissaatut killiliussamut ilaanatik. Nunatta iluani unnuinissat immikkut pisiarineqarsinnaapput.
  • Inummut ataatsimut 1.500 koruuninik akiliinikkut København aqqusaarlugu utimut angerlartoqarsinnaavoq. 
Cityscape View Of Paris 2023 11 27 04 59 23 Utc
Sunik misigisaqarsinnaavit?
  • Legolandimi, Givskud Zoo-mi Vejle Fjordimilu ilaqutariittut ilorrisimaarneq
  • Danmarkimi ilaquttanut ikinngutinullu tikeraarneq
  • Danmark tamakkerlugu Europamilu feeriarnermik akuleriissitsisinnaaneq
  • Sammisassanik unnuiffissanillu nammineq toqqaasinnaaneq 

Ullormut najoqqutassat (ullut arfineq pingasut/unnuillu arfineq marluk)

Ulloq siulleq – Pingasunngorneq: Nunatsinniit aallarneq

Nuummiit Billundimut timmisartorit feerialu aallartillugu. Biilimik attartornisap saniatigut pisiarinissaa namminerluuniit allamik pilersaaruteqarnissat illit nammineq toqqassavat. 

Akianut ilaapput:  Nuummiit Billundimut timmisartorneq, nassatat

Saniatigut pisiarineqarsinnaasoq: Biilimik attartorneq 

Jettime Fleet 6 Photo Alexander Kurkus Min
Ullut aappaanniit arfineq aappaannut – Sisamanngornermiit marlunngornermut: Danmarkimi misigisassat

Isuma naapertorlugu ullut atorneqassapput. Ilaquttanut tikeraarneq, misigisassarsiorluni angalaneq, Vejlimi pisiniarfissiorneq imal Aarhusimut, Odense-mut imal. Københavnimut ingerlaqqinneq. Feeriat illit nammineq kissaatigisat naapertorlugu katitersinnaavat.

Adobestock 312646976
Ullut arfineq pingajuat – Pingasunngorneq: Nunatsinnut uterneq

Feeria naleqqussaruminartoq misigisarpassuarnik ulikkaartoq naggaserlugu Billundimiit Nuummut timmisartussaatit. 

Akianut ilaapput: Billundimiit Nuummut timmisartorneq, nassatat

Saniatigut pisiarineqarsinnaasoq: København aqqusaarlugu utimut angalaneq 

Cargo Nuuk2
Maluginiagassaq

Piffissani immikkut toqqakkani -ilinnut, Danmarkimi sap. ak. naanerani sivitsukkami eqqissisimaarnissamut misigisassarsiornissamullu piffissaqarnissamik kissaateqartumut- naleqqulluartoq- tallimanngornermiit pingasunngornermut angalanissaq neqeroorutigaarputtaaq.

Ilaatigut nunatsinni angalanermi Nuummiit Nuummullu angalanernut atatillugu– ass. timmisartut angalanissaat imminnut naapertuuteqqissaanngippata unnuisoqartariaqarsinnaassaaq. Unnuinerit taamaattut angalanissamut ataatsimoortumut ilaanngillat angalanerullu sivisussusissaatut killiussamut ilaanatik. Unnuineq saniatigut pisiarineqarsinnaavoq. 

Ullormut najoqqutassat assersuutaannaapput saniatigullu angalanermut ataatsimoortumut ilannguteriigaanngitsunik arlalinnik pisiassartaqarlutik. 

Greenland Travel Logo2 Rgb
Apeqquteqaammik nassiussigit

Malugiuk: Greenland Travel A/S angalanermut aaqqissuisuummat, Air Greenlandilu taamaallaat nittarsaassisutut uani atuuffeqarluni.
Tamanna isumaqarpoq angalanermut tunngassuteqartunik saaffiginninnermi toqqaannartumik Greenland Travel attavigineqassasoq, taakkuummata angalanippit aaqqissuunneqarnera pillugu isumaginnittuusut.
Greenland Travelip angalanissavit inniminninnginnerani tamatigut uppernarsaammik nasseqqaartassavaatit.

Apeqquteqaammik nassiussigit