Aqqutit

Timmisartut pilersaarutaat Kujataani – Qaqortoq/Narsaq/Nanortalik 
Kiffartuussinissamut isumaqatigiissummi qulimmiguullit H125 marluk Qaqortumi aallaaveqartut pineqarput, ukioq kaajallallugu Narsamut Nanortalimmullu timmisartussat nunaqarfinnullu januaarip aallaqqaataaniit maajip 31-anut kiisalu septembarip aallaqqaataaniit oktobarip 25-anut 2026. Qulimiguulik H155 ullumikkut Narsarsuarmiit nunap immikkoortuanik kiffartuussisoq piffissami ikaarsaarfiusumi atorneqarallassaat qulimiguullit nutaat inuttaallu inissikkartorneranni.

Qaqortoq – Narsaq

• Ulluinnarni marloriarluni siumut utimullu timminerit

Qaqortoq – Nanortalik

• Ulluinnarni ullormut pingasoriarluni siumut utimullu timminerit

Timisartut pilersaarutaat Qeqqani – Paamiut 
Paamiunut Paamiuneersullu timmisartuussinerit allannguuteqassanngillat, kisianni Nuuk aqqutigalugu ingerlanneqartalissallutik, taamaalilluni Atlantikukkut aqqutinut kiisalu Kangianut ullormut ataatsimut attaveqaatit pitsaanerulissallutik. 

Timisartut pilersaarutaat Qeqqani – Maniitsoq 
Maniitsumut timmisartuussinerit sapaatip-akunneranut ikinnerulissapput, kisianni Kangianut Kujataanullu ullormut ataatsimut attaveqaatit nutaat ilanngunneqassapput, tamatumalu angallanneq pitsaanerulersissavaa. 

Timisartut pilersaarutaat Qeqqani – Sisimiut 
Sisimiut sapaatip-akunneranut 16-riarluni timmisartuussisoqartarnissaa attatiinnassaaq, ilanngullugu arfininngornermi atlantikukkut aqqutinut naleqqussakkanik timmisartuussisoqalissalluni. 

Timisartut pilersaarutaat Qeqqani – Kangerlussuaq 
Ataasinngornerni sisamanngornernilu Københavnimit Nuuk tungaanut timmisartuussinerit Kangerlussuaq aqqutigalugu ingerlanneqassapput. Marlunngornerni tallimanngornernilu Nunatsinniit Københavnimut timmisartuussinerit aamma Kangerlussuaq aqqutigalugu ingerlanneqassapput. 

Ukiuunerani 2026-mi angalanissamut pilersaarummut nutaamut atatillugu Avannaani illoqarfinnut allanut taakkunanngaanniillu atassuteqarnerit aaqqissuunneqarput, tassani qitiutinneqarpoq angalanerup ingerlanera ataqatigiissoq aamma pitsaanerusumik ornitanut apuussinnaaneq. Matuma kinguliani atassuteqarfiit atuuttut aammattaaq Ilulissani unnuisinnaanermut pisariaqarsinnaasut. 

Aasiaat
Københavnimiit Aasiannut ullormi tassani pingasunngornikkut atassuteqartassaaq.

Uummannaq aamma Qaarsut
Marsip aallaqqaataaniit Københavnimiit Uummannamut aamma Qaarsunut ullormi tassani pingasunngornikkut atassuteqartassaaq.

Upernavik
Taamatut aammattaaq Københavnimiit Upernavimmut ullormi tassani pingasunngornikkut atassuteqartassaaq. Taamaattorli Upernavimmiit Københavnip tungaanut angalasussat Ilulissani unnuinissartik naatsorsuutigisariaqarpaat.

Qaanaaq
Københavnimut imaluunniit tassanngaanniit Qaanaaq aqqusaarlugu ullormi tassani attaveqartassanngilaq. Angallavik Ilulissat – Upernavik – Qaanaaq marlunngornerit tamaasa timmisartorfigineqartassaaq, tamatuma kinguneraa avannamut aamma kujammut angalasussat Ilulissani unnuisarnissaat.

Timisartut pilersaarutaat Kangiani – Kulusuk 
Novembarip 28-iat 2024 aallarnerfigalugu Kangiani ullormut ataatsimut attaveqaatit naliginnaanerusut pitsaanerulissapput, nunap iluani timmisartuussinermut Atlantikukkut aqqutinut attuumassuteqartumik. Kulusuk Atlantikukkut timmisartuussiviit toqqaannartumik attaveqarfigilissavaa, ilaasut amerlanerusut angalalersissallugit, ilaatigut Nuuk aqqutigalugu takornariartut ilanngullugit. Atlantikukkut timmisartuussiviit Kangianut sapaatip-akunneranut pingasoriarluni timmisartuussisalissapput.