Angalanerit Nuummiit Uummannamut – nunatsinni illoqarfiit immikkuullarinnerpaat alianaalluinnarnerpaallu ilaannut, qaqqap ateqaatimi ataani takorluukkatullusooq ittumi inissisimaffilimmut, timmisartornermik aallarnerneqassaaq. Mikkiartulerninniilli suut misiginissaannut malussariissaatit: IIlulissat, sermit iigartartut, kangerluit nunalu qaqqarasaartoq, nunarsuarmi misigisassanut pitsaanerpaanut ilaasoq.
Tikikkuit mittarfimmi aaneqassaatit unnuiffissannullu Avani-mut- inissiffissannut, kangerlumut isikkivilimmut, ingerlanneqarlutit. 

Ualeq qasuersaarfioreerpat immaqalu illoqarfimmi pisuttuareernermi, misigisassaq immikkut ittoq tullinnguutissaaq tassalu: Seqernup kaaviinnarnerani Uummannap kangerluanut angallammik angalaarneq. Unnoreersoq seqinerlu kaaviinnartoq, angallammut ilaallutit kangerlummi angalassaatit. Qilak kultitut ittunik aappalungusersunillu qinngorneqalersimasarpoq, ilulissallu unnummi seqernup qaamarnanit alianaatsumit tamatuminnga sunnerneqarsimasarlutik. Aqqutaani – issittup eqqissinassusaanik alianaassusaanillu sunnernerqartumi arfernik, puisinik timmissanillu nasissaagut. 

Akianut ilaapput: Nuummiit Uummannamut timmisartorneq, mittarfimmiit angallanneqarneq unnuisarfimmilu Avani-mi  
unnuineq.

Saniatigut pisiarineqarsinnaasut: Seqernup tarrissaarluni kaaviinnarnerani angallammik angalaarneq, unnukkut nerineq  

Ullaakkorsioreernermi kangerlummut angallammik angalaartoqaqqissaaq – tamatumuuna kimmut, aatsitassarsiorfiusimasumut Maarmorilimmut“Inngili qernertumik” aamma taaneqartartumut misigisassarsiorneq. Angalaarneq aallarnerlugu, suli pisoqaanerusoq marmorimik piiaaviusimasoq, nunatsinni suliffissuaqarnerup aallarnerfia akunniffigineqassaaq. Tassanngaanniit Maarmorilimmut- 1930-ikkunni marmorimik piaaneq unimmat, zinkimik, aqerlussamik sølvimillu piiaavinngortumut ingerlaqqissaagut. 
Kangerluup akiani majuartaatip alutornarluinnartup, piiaaviup isaariaanut 750 meterinik qutsissusilimmut atasup amiakkua takusinnaassavat– nunatsinni qaqqarsuit ilaanni teknikkikkut tupinnartuliaq. Angalaarnermi tassani pinngortitap nukissui inuullu nunarsuup avannaani pinngortitami peqqarniissinnaasumi pisuussutinik piiaanissamut piumassusaa misigisaqarfigineqassapput. Angalaarnermi tamatumani, sermit iigartartut, qaqqarsuit alutornartut sarsutissavagut immaqalu arfermik takulluta. 
Uummannamut uternermi, ullup sinnera sulerinissaq, nammineq aalajangerneqassaaq. Qasuersaarlutit atuakkamik atuarusaarsinnaavutit, aneerasaartarfinnit isikkiviit ilorrisimaarutigisinnaavat imal. illoqarfimmi pisuttuarujoorlutit. 

Akianut ilaapput: Unnuisarfimmi Avani-mi unnuineq 

Saniatigut pisiarineqarsinnaasut: Ujarassiornermut tunngatillugu Maarmorilimmut angalaneq, unnukkut nerineq  

Ullaakkorsioreeruit nammineerlutit Uummannap misigisassarsiorfiginissaanut periarfissaqassaatit imaluunniit Uummannarmiut aallaarsimaartitsisartuinut peqataasinnaallutit. Ulloq illoqarfiup iluani takornariarnermik aallartissaaq, Uummannap oqaluttuassartaanik immersorneqassaatit, illuliortaaseq ulluinnarnilu inuuneq pillugit paasisaqassallutit. Katersugaasivimmuttaaq pulaassaatit tassani qaqqarsuaq tusaamasaq uummatitut ilusilik isikkivigiumaarlugu.

Ualikkut pisuttuarlutit Nissimaap illua ornissinnaavat – nunami pinnersumi pisuttuarneq nuannerluinnartoq, pisuttuarfiup naaffia tassaalluni Niisimaap illua, qallunaat ammartagaliarinikuusaanni Nissebanden i Grønlandip immiunneqarnerani illuaraq atorneqarnikoq inunnit nuannarineqarluartartoq.

Ullup sinnera nammineq ilusilersussavat. Immaqa aneerasaartarfimmi imminut nukatsilaarlutit, illoqarfimmut pisuttualaarlutit, immaqaluunniit iluliarsuit qaqqarsuillu pinneqisut avatangiiseralugit kaffisorujoorlutit.

Ilaapput: Avanimi unnuineq

Akiliilluni ilanngunneqarsinnaasut: Uummannami takornariarneq, Niisimaap illu aasarsiortarfianut pisuttuarneq, nerineq

Ullaakkorsioreeruit mittarfimmut ingerlanneqassaatit. Tassanngaanniit – assiliiviit ilulissanik, kangerlunnik seqernullu kaaviinnartup assinginik ulikkaartoq nassarlugu, eqqissinermik issittumilu misigisanik ulikkaarlutit, Nuummut utissaatit

Akianut ilaapput: Uummannamiit Nuummut timmisartorneq, mittarfimmut angallanneqarneq.  

Ullormut najoqqutassaq, sila najukkamilu pissutsit apeqqutaallutik naleqqussarneqarsinnaavoq. Sammisassat angalanermi ataatsimoortumi tunngaviusumi ilaanngitsut saniatigut pisiarisariaqarput.