Sisimiut getaway – kangerluit qaqqarasaat alianaalluinnartut

4.695 DKK-imiit inummut ataatsimut

Apeqquteqaammik nassiussigit
Sisimiut Airport Aerial. Photo Aningaaq Rosing Carlsen Visit Greenland

Sisimiut getaway – kangerluit qaqqarasaat alianaalluinnartut

Misigisassarsiorluni angalaneq ilinnut, sivikitsumik nunatsinniittussamut tupinnartunilli misigisaqarusuttumut piukkunnartuuvoq. Sisimiuni, nunatta kitaani piviunerpaanik alianaannerpaanillu misigisaqarnissamut periarfissaqarputit. Angalanermut ilaapput nunakkut oqaluttuarisaanermik tumisiuilluni pisuttuarnerit, qimminik qimuttunik naapitsineq, kangerlummi angallammik angalaarneq nunallu timaani nunakkoorutit sisamanik assakaasullit atorlugit misigisassarsiorneq. Angalaneq ataatsimoortoq, nunanit tamalaanit tikeraanut, Nuup avataaniittunik misigisassarsiorusuttunut – imal. tamanut, ullut pingasuinnaat ingerlaneranni Sisimiut alutornassusaanik misigisaqarusuttunut piukkunnaatilik. 

 

Angalaneq 
ullut pingasut unnuallu marluk

Angalanerup id-ia
3014 Sisimiut Getaway

Timmisartumik: 
Nuummiit Sisimiunut -utimullu. Nassatat 20 kg tigumiallu 8 kg  

Saniatigut pisisoqarsinnaallunilu pitsaanerusumut allannguisoqarsinnaavoq 

ullaakkorsiorneq mittarfimmut

Unnuineq

Hotel SØMA-mi unnuit marluk Mittarfimmiillu angallanneqarneq ilanngullugit

Akia
Ini marluuttagaq: Inummut ataatsimut 4.695 koruuniniit 
Ini kisermaattagaq: Inummut ataatsimut 5.995 koruuniniit  

A330 800 RR GRL V20

Apeqquteqaammik nassiussigit

Malugiuk: Greenland Travel A/S angalanermut aaqqissuisuummat, Air Greenlandilu taamaallaat nittarsaassisutut uani atuuffeqarluni.
Tamanna isumaqarpoq angalanermut tunngassuteqartunik saaffiginninnermi toqqaannartumik Greenland Travel attavigineqassasoq, taakkuummata angalanippit aaqqissuunneqarnera pillugu isumaginnittuusut.
Greenland Travelip angalanissavit inniminninnginnerani tamatigut uppernarsaammik nasseqqaartassavaatit.

Apeqquteqaammik nassiussigit
Experience Kayaking Near Sisimiut. Photo Aningaaq R. Carlsen, Visit Greenland

Misigisassat asseqanngitsut

Nunaqarfimmut inuerunnermut Assaqutamut angallammik angalaneq – qanga pereersunut uterluni angalaneq 
Sisimiuni nunap timaani Ikersuarmut (Davisstræde) isikkivilimmi, nunakkoorut sisamanik assakaasulik atorlugu misigisassarsiorneq 
Kalaallit qimmii qimuttut piaraallu naapikkit
Sallinnguani, nunarput pillugu ukiunik 4000-inik oqaluttuassartalimmi, pisulluni angalaarneq

Annertunerusumik Sisimiut atuaruk

Sisimiuni misigisassarsiorneq

Sisimiuni misigisassarsiorneq

Nunakkut pisuttuarneq

Ulloq siulleq

300 koruunit

Kalaallit qimmiinik qimuttunik takuniaaneq

Ulloq siulleq

150 koruunit

Assaqutamut angallammik angalaneq

Ullut aappaat

1.100 koruunit

Pinngortitami alianaatsumi, nunakkoorutit sisamanik assakaasullit atorlugit misigisassarsiorneq

Ullut aappaat

1.675 koruunit

Angalanissamik inniminniinermi imal. tikinnermi, pitsaanermut allannguisoqarsinnaallunilu saniatigut pisisoqarsinnaavoq. Unnuinissamut atatillugu pitsaanermut allannguinerit, angalanissamik ataatsimoortumik pisinermi toqqarneqassapput.

Ullormut najoqqutassaq

Ulloq siulleq

Sisimiunut tikinneq – Kulturi qimmillu 
Nuummiit timmisartumik Sisimiunut- nunatsinni illoqarfiit annersaata tullianut – issittumi nunap timaata isaariaanut tikissaatit. Tikikkuit mittarfimmi aaneqassaatit, akunnittarfimmullu Hotel SØMA-mut inissiffissannut isikkivigissumut, ingerlanneqarlutit. 
Ualikkut angallassisoqarlutit Sallinnguani pisuttuarsinnaavutit, tassani nunatta oqaluttuassartaa ukiunik 4000-inik pisoqaassusilik paasisaqarfigissavat inuillu qanga inuusimanerannut Europamiunillu niueqateqartarsimanerannut ersiutaasunik takunnillutit. Tamatumunnga taarsiullugu qimminik qimuttunik qanimut– immaqalu aamma piaraannik takuniaasinnaavutit. Unnuk akunnittarfimmi imal. illoqarfimmi nerinermik naggaserneqarsinnaavoq. 

Akianut ilaapput: Nuummit Sisimiunut timmisartumik angalaneq, mittarfimmiit angallanneqarneq, akunnittarfimmi Hotel SØMA-mi unnuineq ullaakkorsiornertalik. 
Saniatigut pisiarineqarsinnaasut: Nunakkut pisunneq/Inuit vandring, qimminik qimuttunik takusaaneq, unnukkut nerisassat  

Sunrise In Port Of Sisimiut. Photo Ben Haggar, Visit Greenland
Ullut aappaat

Kangerlummi qaqqarasaami angallammik angalaarneq– Assaqutaq, nunakkoorutillu sisamanik assakaasullit atorlugit misigisassarsiorneq 

Ullaakkorsioreernermi, Sisimiut avatangiisaasa alutornarluinnartut paasiniaviginissaannut, arlalinnik periarfissaqarputit. Angallammut ilaallutit nunaqarfimmut inuerunnermut Assaqutamut, angallassisoqarlutit aalisakkarivimmut, oqaluffimut illutoqqanullu allanut, 1900-ikkut qiteqqunnerisa nalaanut uterlutit, nipaatsumiillutit isumaliutersornissamut qaqutigoortumik periarfissinneqarlutit angalaarsinnaavutit. 
Tamatumunnga taarsiullugu, Sisimiut timaani, nunakkoorutit sisamanik assakaasullit atorlugit misigisassarsiorsinnaavutit. Qimmeqarfimmut, tassaanngaanniillu Nasaasaap qooruanut, qaqqat inngittuut, kuuit qorlortut Ikersuarmullu (Davisstræde) isikkivissuaq alakkarlugu angalaartoqassaaq. Aqqutaani unillatsiartoqartassaaq, tumannguersartoqartarluni kuullu ernganik qaammaarissumik imertoqarsinnaalluni. 

Akianut ilaapput: Hotel SØMA-mi unnuineq ullaakkorsiornertalik 
Saniatigut pisiarineqarsinnaasut: Angallammik Assaqutamut misigisassarsiorneq, nunakkoorutit sisamanik assakaasullit atorlugit misigisassarsiorneq, unnukkut nerineq  

The Abandoned Settlement Assaqutaq Near Sisimiut In Greenland
Ullut pingajuat

Misigisat takusallu nassataralugit angerlamut aallarneq 
Ullaakkorsioreeruit mittarfimmut ingerlanneqassaatit. Tassanngaanniit – kangerlunni qaqqarasaani nunatsinnilu kulturimit assilisannik ulikkaarlutit, Nuummut utissaatit. 

Akianut ilaapput: Sisimiuniit Nuummut timmisartumik angalaneq, mittarfimmut angallanneqarneq 

Sisimiut Airport Adam Lyberth, Visit Greenland
Malugiuk

 Ullormut najoqqutassaq, sila najukkamilu pissutsit apeqqutaallutik naleqqussarneqarsinnaavoq. Sammisassat angalanermi ataatsimoortumi tunngaviusumi ilaanngitsut saniatigut pisiarisariaqarput.